「懂得享受生活嘅你，相信除左飲咖啡之外，旅行對你黎講都唔會陌生。」
今次我地就來一個crossover來講多少少係越南可以有什麼地方值得去與什麼咖啡相關的地方可以。
越南曾經係法國殖民地，所以當地處處都會感受到西方味道，如有名的耶穌聖心堂無違和感地座落於胡志明市的街頭。
講左咁耐，入返正題，講返越南咖啡，由於越南有很多咖啡店，所以也是隨便在胡志明市街上走一走，便選擇了這一間名為Ciao Cafe的咖啡店，這間咖啡店樓高兩層，店內頗有越南特式，二樓更以舒適的沙發為主，十分寧靜，可以慢慢歎下咖啡。
今次係呢間咖啡店點左越南咖啡中的最基本嘅滴漏咖啡，味道是正常發揮。
越南滴漏咖啡有咩咁特別？冇架，少少型咁啦！其實越南滴漏咖啡相比其他沖煮種類的咖啡﹙手沖咖啡等﹚的味道並不算十分特別，其特別之處係飲咖啡嘅悠閒文化。越南人受到法國文化影響，佢地步伐都係比較慢。願意花一點時間等咖啡一滴一滴地滴下來，這正正反映左佢地既呢一種悠閒嘅文化。
所以大家去越南嘅時候，絕對值得叫一杯等佢滴漏，都可以好好咁balance返係香港果種急速生活步伐。係真正既放慢腳步，思考一下人生！
想了解更多越南咖啡的歷史﹑風味可以睇下另一篇文章︰咖啡國度︰越南咖啡
除左係越南嘅街頭試下唔同嘅咖啡店外，你都可以試一試以下嘅越南三大連鎖咖啡︰
– Trung Nguyên Legend Café 中原咖啡
– HIGHLANDS COFFEE 高原咖啡
– Phúc Long Coffee & Tea Express 福隆咖啡/茶
越南不單止有西化嘅一面，我每次到越南都會到佢地既博物館走一回，要認識一個國家，必須要了解佢地既歷史，當你了解到越南嘅歷史，或許你會和我一樣，對這個國家產生感情，越了解呢個國家，越感到戰爭既禍害，詳細就留待大家慢慢發掘喇，或者繼續留意我地。
如果大家對越南旅遊或者越南咖啡有任何想知既，歡迎留言俾我地。
我地會於下一篇文章分享更多俾大家。